غزہ (فلسطین نیوز۔مرکز اطلاعات) اسرائیلی عقوبت خانوں میں پابند سلاسل 42 سالہ فلسطینی رائد صالح فخری ابو حمدیہ نے مسلسل اسیری کے 21 سال مکمل کرنے کے بعد 22 سال میں داخل ہو گئے ہیں۔
فلسطین نیوز کو موصول ہونے والی اطلاعات کے مطابق فلسطینی اسیران اسٹڈی سینٹر کی طرف سے جاری کردہ ایک رپورٹ میں بتایا گیا ہے کہ رائد فخری ابو حمدیہ کو اسرائیلی فوج نے 3 اپریل 1997ء کو حراست میں لیا تھا۔ ان پر ’بیت شمیس‘ کے مقام پر ایک فدائی حملے میں معاونت کرنے کی پاداش میں قید کیا گیا ہے۔ اس حملے میں 4 صیہونی جہنم واصل ہوگئے تھے۔ انہیں اسرائیلی عدالت نے چار بار عمر قید کی سزا سنا رکھی ہے۔انسانی حقوق کے مندوب ریاض الاشقر نے بتایا کہ اسرائیلی زندانوں میں 20 سال سے زائد عرصے سے مسلسل قید کاٹنے والے اسیران کی تعداد 48 ہوگئی ہے۔ ان میں کریم یوسف یونس (61 سالہ) چھ جون 1983ء سے مسلسل پابند سلاسل ہیں۔
پرانے اسیران میں 29 سنہ 1994ء میں طے پائے اوسلو معاہدے سے بھی پہلے کے قید ہیں۔