واشنگٹن (فلسطین نیوز۔مرکز اطلاعات) امریکی کانگریس نے فلسطینی اتھارٹی کی امداد کی امداد اس شرط پر بحال کرنے کا بل منظور کیا ہے کہ اتھارٹی فلسطینی شہداء ، اسیران اور جنگ کے زخمیوں کی کفالت چھوڑ دے۔
فلسطین نیوز کو موصول ہونے والی اطلاعات کے مطابق صدر ٹرمپ کی طرف سے یہ آئینی بل منظوری کے لیے وائٹ ہاؤس کو بھیجا گیا ہے۔ اس قانون کی ایک ذیلی شق میں کہا گیا ہے کہ جب تک فلسطینی اتھارٹی اسیران، شہداء اور زخمیوں کے خاندانوں کی کفالت ترک نہیں کرے گی اس وقت تک اس کی امداد جاری نہیں کی جائے گی۔قبل ازیں امریکی سینیٹر لینڈزری گراہام نے کہا تھا کہ وہ سینیٹ میں ایک نیا بل پیش کرنے کی تیاری کررہے ہیں۔ اس مسودہ قانون کو ’ٹیلرس فورس‘ کا نام دیا گیا ہے۔ ٹائلرس فورس عراق اور افغانستان میں لڑنے والے ایک امریکی فوجی کے نام موسوم کیا گیا ہے جیسے مارچ 2016ء کو قتل کردیا گیا تھا۔
عبرانی اخبار’اسرائیل ٹو ڈے‘ کی رپورٹ کے مطابق امریکی ایوان نمائندگان اور سینٹ پر مشتمل کانگریس نے ایک کھرب 30 ارب ڈالر کے بجٹ میں اسرائیل کی سلامتی کو بھی شامل کیا گیا ہے۔