تیونس (فلسطین نیوز۔مرکز اطلاعات) تیونس کے عوام نے مظاہرہ کر کے غاصب صیہونی حکومت کی وحشیانہ جارحیت کی شدید مذمت کرتے ہوئے فلسطینیوں کی بھرپور حمایت کا اعلان کیا۔
فلسطین نیوز کو موصول ہونے والی اطلاعات کے مطابق تیونس کے عوام نے یوم الارض کی مناسبت سے دارالحکومت کے مرکزی علاقوں میں جمع ہو کر اپنے ملک کی حکومت کی جانب سے صیہونی حکومت کے ساتھ کسی بھی قسم کے رابطے کو جرم قرار دیئے جان کا قانون منظور کئے جانے کا مطالبہ کیا۔تیونس کے مظاہرین نے اپنے ہاتھوں میں فلسطینی پرچم لے رکھے تھے اور انھوں نے فلسطین کی حمایت میں فلک شگاف نعرے لگائے نیز عربوں اور تمام مسلمانوں کی حمایت سے فلسطینی امنگوں کو پورا کئے جانے کا مطالبہ کیا۔