صہیونی فوجی گاڑی الٹنے سےمتعدد صہیونی فوجی شدید زخمی

(فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر الخلیل میں فلسطینی شہریوں کی جانب سے کی گئی سنگ باری کے نتیجےمیں اسرائیلی فوجیوں کی ایک گاڑی الٹ گئی جس کے باعث متعدد فوجی زخمی ہوئے ہیں۔

مقامی فلسطینی ذرائع نے بتایا کہ حادثہ اس وقت پیش آیا جب فلسطینی شہریوں نے اسرائیلی فوج گاڑی پر سنگ باری کی۔ فوجی جیپ ڈرائیور سے بے قابو ہو کر فٹ پاتھ سے جا ٹکرائی اور الٹ گئی جس کے نتیجے میں اس میں سوار متعدد فوجی زخمی ہوگئے۔ زخمی فوجیوں کو اسرائیل کے طبی امدادی ادارے ’’ڈیوڈ کریسنٹ‘‘ نے ایمبولینسوں کی مدد سے اسپتالوں میں پہنچایا ہے۔ حادثے کے بعد اسرائیلی فوجیوں نے الخلیل کے الفوار اوردورا کے قصبوں کی ناکہ بندی کرکے سرچ آپریشن شروع کردیا تھا۔