بیروت ( فلسطین نیوز۔مرکز اطلاعات) لبنان کے ذرائع ابلاغ نے خبر دی ہے کہ ہفتے کے روز جنوبی لبنان میں برعشیت اور بیت یاحون قصبوں کے درمیان اسرائیل کا ایک بغیر پائلٹ جاسوس طیارہ گر کرتباہ ہوگیا۔
فلسطین نیوز کو موصول ہونے والی اطلاعات کے مطابق لبنان سے نشریات پیش کرنے والے المیادین ٹی وی کی رپورٹ میں بتایا گیا ہے کہ اسرائیل کا بغیر پائلٹ جاسوس طیارہ خلہ مریم کے مقام پر گر کرتباہ ہوا تاہم طیارہ حادثے کی وجہ معلوم نہیں ہوسکی۔ایک ذریعے کا کہنا ہے کہ اسرائیلی جاسوس طیارے کو ایک دوسرے طیارے سے میزائل سے نشانہ بنایا گیا۔