مقبوضہ بیت المقدس (فلسطین نیوز۔مرکز اطلاعات) اقوام متحدہ نے اسرائیل سے مطالبہ کیا ہے کہ وہ 2014ء کے موسم گرما میں غزہ پر مسلط کی گئی جنگ کے دوران املاک کی تباہی کا ہرجانہ ادا کرے۔
فلسطین نیوز کو موصول ہونے والی اطلاعات کے مطابق اقوام متحدہ کے ادارہ برائے پناہ گزین ’اونروا‘ کی طرف سے جاری کردہ ایک بیان میں کہا گیا ہے کہ اسرائیل سنہ 2014ء کی جنگ میں غزہ کی پٹی میں عوامی اور پبلک املاک کو تباہ کرنے کا ذمہ دار ہے۔ اس لیے ادارہ اسرائیل سے غزہ کی پٹی میں املاک کو نقصان پہنچانے کا ہرجانہ ادا کرے۔اخبار ’اسرائیل ھیوم‘ کی رپورٹ میں کہا گیا ہے کہ ’اونرا‘ کے جنرل سیکرٹیریٹ کی طرف سے جاری کردہ ایک بیان میں کہا گیا ہے کہ ادارے نے تل ابیب کو اپنے مطالبے سے باضابطہ طورپر آگاہ کیا ہے۔ بیان میں کہا گیا ہے کہ اقوام متحدہ میں اسرائیلی سفیر سے مطالبہ کیا گیاہے کہ وہ اپنی حکومت کو غزہ کی پٹی میں املاک کی تباہی پر اس کا ہرجانہ ادا کرنے پر مجبور کرے۔
دوسری جانب اسرائیلی اخبار نے یو این میں صیہونی سفیر ڈانی ڈانون کا ایک بیان نقل کیا ہے جس میں ان کا کہنا ہے کہ اقوام متحدہÂ اسرائیل کو قصور وار قرار دینے کے بجائے اسلامی تحریک مزاحمت ’حماس‘ کو قصور وار قرار دے۔
خیال رہے کہ 8 جولائی سے 26 اگست 2014ء کو اسرائیل نے غزہ کی پٹی پر بدترین جنگ مسلط کیے رکھی تھی جس ہزاروں فلسطینی شہید اور زخمی ہوگئے تھے۔ بمباری میں ہزاروں مکانات، اسکول، اسپتال اور مساجد بھی ملبے کے ڈھیر میں تبدیل کردی گئی تھیں۔