غزہ میں القسام بریگیڈ کی مشقیں، ملٹری پریڈ کا بھی اہتمام

غزہ ( فلسطین نیوز۔مرکز اطلاعات) اسلامی تحریک مزاحمت ’حماس‘ کے عسکری ونگ عزالدین القسام شہید بریگیڈ کے زیراہتمام مشقیں شروع کی گئی ہیں۔ گذشتہ روزاس حوالے سے خصوصی فوجی پریڈ کا بھی اہتمام کیا گیا۔

فلسطین نیوز کو موصول ہونے والی اطلاعات کے مطابق القسام بریگیڈ کی جانب سے ’چیلنج اور استقلال‘ مشقوں میں القسام بریگیڈ کے سیکڑوں مجاھدین نےحصہ لیا۔

یہ مشقیں آج بھی جاری ہیں گی۔ القسام بریگیڈ کی طرف سے جاری کردہ ایک بیان میں کہا گیا ہے یہ مشقیں پہلے سے طے شدہ شیڈول کا حصہ ہیں۔ اس دوران فائرنگ اور زور دار دھماکوں کی آوازیں بھی سنی گئی ہیں۔

خیال رہے کہ القسام بریگیڈ کی مشقیں ایک ایسے وقت میں شروع کی گئی ہیں جب حال ہی میں اسرائیلی فوج نے غزہ کی پٹی پر جنگ کے تناظر میں مشقیں کی ہیں۔

فلسطینی تجزیہ نگار عدنان ابو عامر کا کہنا ہے کہ القسام بریگیڈ کی مشقوں کی زمانی اہمیت اپنی جگہ مسلمہ ہے۔ یہ مشقیں ایک ایسے وقت میں کی گئی ہیں جب دوسری جانب اسرائیل بھی مسلسل فوجی مشقوں کے ذریعے غزہ کی پٹی پر جنگ مسلط کرنے کےاشارے دے رہا ہے۔