غزہ ( فلسطین نیوز۔مرکز اطلاعات) فلسطین کی اسلامی مزاحمتی تحریک حماس نے جمعے کے روز ہونے والے مظاہروں کو صیہونی حکومت کے خلاف مزاحمت اور استقامت کی علامت قرار دیا ہے۔
فلسطین نیوز کو موصول ہونے والی اطلاعات کے مطابق حماس کے ترجمان فوزی برہوم کے جاری کردہ بیان میں کہا گیا ہے کہ جمعے کے روز کئے جانے والے مظاہروں کا مقصد فلسطینیوں کی وطن واپسی کے حق پر زور دینا ہے۔انہوں نے کہا کہ فلسطینی عوام اپنے مظاہروں کے ذریعے واضح کر دیں گے کہ وہ اپنے حقوق پر کسی کو ڈاکہ ڈالنے کی اجازت نہیں دیں گے اور دشمنوں کی تمام سازشوں کو ناکام بنا دیا جائے گا۔
قابل ذکر ہے کہ حماس سمیت مختلف فلسطینی تنظیموں نے آئندہ جمعے کو غزہ اور مقبوضہ فلسطین کی سرحدوں کے قریب ملین مارچ کا اعلان کیا ہے جس کا مقصد جلاوطن فلسطینیوں کی واپسی کے حق کی حمایت کرنا ہے۔