غزہ ( فلسطین نیوز۔مرکز اطلاعات) اسرائیلی فوج نے فلسطین کے علاقے غزہ کی پٹی کے وسطی علاقے البریج کیمپ اور اس کے اطراف میں توپ خانے سے گولہ باری کی جس کے نتیجے میں متعدد مکانات کو نقصان پہنچا ہے۔
فلسطین نیوز کو موصول ہونے والی اطلاعات کے مطابق غزہ کی پٹی سے فیلڈ ذرائع کا کہنا ہے کہ اسرائیلی فوج کی توپخانے سے کی گئی گولہ باری سے کسی قسم کا جانی نقصان نہیں ہوا، تاہم گولہ باری سے متعدد گھروں کو نقصان پہنچا ہے۔خیال رہے کہ کل جمعہ کو فلسطین میں یوم الارض احتجاجی مظاہروں کے دوران اسرائیلی فوج کی وحشیانہ کارروائیوں میں 15 فلسطینی شہید اور 1200 کو زخمی کردیا گیا تھا۔