غزہ (فلسطین نیوز۔مرکز اطلاعات) اسرائیلی فوج کی جانب سے غزہ کی پٹی میں دراندازی کا سلسلہ جاری ہے۔ اسرائیلی فوج نے گذشتہ چوبیس گھنٹوں کے دوران چوتھی بار غزہ میں دراندازی کی اور علاقے میں اندر گھس کر فائرنگ کے ساتھ ساتھ فلسطینیوں کی قیمتی اراضی کی کھدائی کی گئی۔
فلسطین نیوز کو موصول ہونے والی اطلاعات کے مطابق صیہونی فوج کے کئی ٹینک مشرقی غزہ کے علاقے خان یونس کے مشرقی علاقے سے کئی فرلانگ اندر داخل ہوئے اور فلسطینی آبادی پر شیلنگ کی۔خیال رہے کہ اسرائیلی فوج کا غزہ کی پٹی میں دراندازی کا سلسلہ منگل کے روز سے مسلسل جاری ہے۔
عینی شاہدین اور مقامی ذرائع نے بتایا کہ صیہونی فوج کے 6 بلڈزور اور D9 ٹینک مشرقی غزہ سے اندر داخل ہوئے اورفلسطینی اراضی میں کھدائی کی۔
عینی شاہدین نے بتایا کہ صیہونی فوج نے ٹینکوں اور توپ خانے سے گولہ باری کی گئی۔ اسرائیلی فوجی ’ناحل عوز‘ فوجی کیمپ سے اندر داخل ہوئے۔ اس موقع پر اسرائیلی جنگی طیاروں کی نچلی پروازیں اور ڈرون طیاروں کی پروازیں بھی جاری رہیں۔
مقامی شہریوں کا کہنا ہے کہ خان یونس میں چوبیس گھنٹوں کے دوران یہ چوتھی دراندازی ہے۔
مقامی میڈیا ذرائع کے مطابق اسرائیلی فو مشرقی خان یونس میں القرارہ کے مقام سے بھی اندر داخل ہوئی اور مقامی آبادی اور زرعی زمینوں پر فائرنگ کی جس کے نتیجے میں شہریوں شدید خوف وہراس پھیل گیا۔